كاكی مه‌سئول؛ تكایه به كه‌رو گامان تێمه‌گه.
بروسكه‌یه‌ك بۆ:
× كاكی مه‌سئول؛ تكایه به كه‌رو گامان تێمه‌گه.
× دایكی مناڵه‌كان؛ لێت تێك نه‌چێ من ئه‌میری قه‌ته‌ر نیم.
× سه‌رۆكی حیزب؛ ئه‌مانه‌ت له كوێ دۆزیوه‌ته‌وه تو ئه‌سحابه؟
× موسته‌قبه‌ل؛ نازانم به چ روویه‌كه‌وه بێین بۆ لات؟
× شانس؛ به‌ساقه ئێمه‌ش به‌شه‌رین.
× فه‌رهاد؛ شیرین شاخی ناوێ بۆی بتاشی، ئه‌گه‌ر راست ئه‌كه‌ی ئایفۆنێكی بۆ بكڕه.
× بۆ هاوڕێی فه‌یسبوك؛ قوربان گیان (لایك) ته‌نوره نییه هه‌ر بۆ كچ بێ، پیاویش حه‌زی لێیه‌تی.
× بۆ باوكم؛ خۆزگه ئه‌و شه‌وه بنوستیتایه.
× شیعری ئێستا؛ یاڕه‌ببی حاڵم به حاڵت نه‌بێ.
× یه‌كێتی؛ ئه‌بێ بڵێین خوا خراپتر نه‌دا.
× ریفراندۆم؛ تو قورعان نه‌مگو ئیتر كه‌س باست ناكات؟!
*دكتۆر شێركۆ عه‌بدوڵا
