جەعفەر شێخ مستەفا:سەرکردایەتی یەکێتی بڕیاری ڕۆژێکی کۆنگرەیپێنادرێت ئیتر چۆن ئەتوانێ ئێمە لاببات
جەعفەر شێخ مستەفا ڕایگەیاند سەرکردایەتی یەکیتی توشی ناکۆکی و بێمتمانەیی بووە،و ئەگەر بەمشێوەیە بەردەوام بێت بۆ هەڵبژاردنەکان نەلیستی دەبێت نە کاندید.
جەعفەر شێخ مستەفا لە چاوپێکەوتنێکدا لەگەڵ دەنگی ئەمریکا باسی دۆخی ناوخۆی حیزبەکەی دەکات و دەڵێ لەدوای ڕوداوەکان کەرکوکەوە دەنگی یەکێتی دابەزیوە و لەوبارەیەوە دەڵێ بەڕاستی نازانم چەند کورسی دەهێنین بەڵام دەزانم ئەگەر ڕوداوەکانی کەرکوک نەبوایە فول دەنگمان دەهێنا بەڵام لەدوای ئەو ڕوداوانە گێچەکە دابەزیوە.
هەروەها ئاماژەی بەوەکردووە لەناو سەرکردایەتی یەکێتیدا ناکۆکی و بێمتمانەیی دروستبووە، ئەگەر حاڵی سەرکردایەتی یەکیتی بەمجۆرە بەردەوامبێت ئەوا بۆهەڵبژاردەکان یەکێتی نەلیستی دەبێت نەکاندید.
جەحفەر شێخ مستەفا فەرماندەی هێزەکانی حەفتا و ئەندامی مەکتەبی سیاسی یەکێتی لەبارەی مانەوەی بەرپرسەکانی یەکێتی لەپۆستەکانیان دەڵێ بەرپرسیارێت تاپۆ نیە من ئەگەر مەترسیشه‌ڕی داعش نه‌بوایه یه‌ك ڕۆژ له‌و پۆسته‌دا نامێنم، پێویستم به‌بڕیاری سه‌ركردایه‌تی یه‌كێتی نیه تا لاممبات، و دەڵێ سه‌ركردایه‌تی یه‌كێتی بڕیاری ڕۆژێكی كۆنگره‌ی پێنادرێت ئیتر له‌كوێ ده‌توانێت ئێمه لاببات یا خه‌ڵكی تر لاببات.
