ئه‌مجاره‌ش پۆسته‌كه‌ی بارزانی نادیاره : بارزانی لەبارەی بڕیاری دەستگیركردنی كۆسرەت ڕەسوڵ هاتە دەنگ
مەسعود بارزانی لە پەیامێكدا بڕیارەكەی دادگای ڕەسافە بۆ دەستگیركردن بۆ كۆسرەت ڕەسوڵ ئیدانە دەكات و دەشڵێت" ئەم بڕیارەی دادگەی ڕەسافە كە بڕیارێكی سیاسییە بە ڕوونی پێشان دەدات كە عەقلیەتی باڵادەست لە بەغدا بە چ شێوەیەكە".
لە پەیامەكەی بارزانیدا هاتووە" گەلێك ڕای خۆی بە ئاشتیانە دەرببڕێت دەبێ سزای بەكۆمەڵ بدرێت، كەسێك ڕای خۆی دەرببڕێت دەبێ بگیرێت. هەر ئەو عەقلییەتەیە وای كردووە كەس نەتوانێ لەگەڵیاندا بژیێت".
دەقی پەیامەكە:
دەقی پەیامەكە:
بەناوی خودای بەخشندە و میهرەبان
ڕۆژی پێنجشەممە 19ـی 10ـی 2017 دادگەی لێكۆلینەوەی ڕەسافەی بەغدا بڕیاری گرتنی بۆ بەڕێز كاك كۆسرەت ڕەسوڵ جێگری گشتیی سكرتێری یەكێتیی نیشتیمانی كوردستان دەركردووە بە تۆمەتی دەربڕینی ڕای خۆی لەسەر ڕووداوەكانی كەركووك.
ئەم بڕیارەی دادگەی ڕەسافە كە بڕیارێكی سیاسییە بە ڕوونی پێشان دەدات كە عەقلیەتی باڵادەست لە بەغدا بە چ شێوەیەكە. گەلێك ڕای خۆی بە ئاشتیانە دەرببڕێت دەبێ سزای بەكۆمەڵ بدرێت، كەسێك ڕای خۆی دەرببڕێت دەبێ بگیرێت. هەر ئەو عەقلییەتەیە وای كردووە كەس نەتوانێ لەگەڵیاندا بژیێت.
با دەستەڵاتدارنی بەغدا ئازاد بن، چ بڕیارێك دەدەن با بیدەن بەڵام با بشزانن تێكۆشەرێكی وەك كاك كۆسرەت و تێكۆشەرەكانی تریش بەوان ناگیرێت و بۆیان نییە بیگرن.
مسعود بارزانی
19ـی 10ـی 2017
جێی ئاماژه‌یه ماوه‌یه‌ك مه‌سعود بارزانی ناونیشانی پۆسته‌كه‌ی له بڵاوكراوه‌كانیدا نانوسرێت
