هەڵسووڕاوێکی گۆڕان تەخوینی ڕێکخەری گشتی و خانەی ڕاپەڕاندنی گۆڕان ئەکا
ئەندامی جڤاتی نیشتمانی گۆڕان کاروان هاشم. بە ناوی نەوشیروان مستەفاو فکری نەوشیروان مستەفاوە. ڕێکخەری گشتی و خانەی ڕاپەڕاندن و هەموو ئەوانەی گۆڕان تەخووین ئەکا کە لەناو گۆڕان دەنگیان بە “بەڵێ” یاوە لە ڕیفراندۆم.
لە نووسینێکا بە ناوی “بۆچی دەنگمان بەڵێ نەبوو !” کاروان هاشم ووتی: لە ١٠ ساڵی ڕابردوو بە ڕونی دوو بۆچون ھەبون بۆ مەسەلەی دروستكردنی دەوڵەت. یەکەمیان بۆچوونی کاک نەوشیروان کە بە ڕوونی باسی ئەوە ئەکا دەوڵەت بە قسە و پروپاگەندەی میدیایی وتاری ئاگرین دروست نابێ. دووەمیان بۆچونی مسعود بارزانی و پارتی و بەشێكی یەكێتی و ھاوئاوازەكانیانە کە تا ئێستا جگە لە قسە و جوڵانی ھەستی نەتەوەی و پروپاگەندیی میدیایی ھیچ ھەنگاوێكی كرداریان نەناوە بۆ دەوڵەت، ئەم ڕیفراندۆمەش كە ئەمڕۆ دەكرێت درێژەپێدەری ھەمان بیركردنەوەیە.
ووتی: بۆیە ئێمە لە بزوتنەوەی گۆڕان بەڵێ بۆ ئەم ریفراندۆمە حیزبیە ناكەین. ئەوانەش كە ئەمڕۆ لە بزوتنەوەی گۆڕان بەڵێ یان بۆ ئەم ریفراندۆمە كردوە بە ھیچ شێوەیەك ئەمانە ھەڵوێستی بزوتنەوەی گۆڕان نین، بە (بەڵێ )كەی بەرێز رێكخەری گشتی و ھەمو ئەوانەی تر لە خانەی راپەراندن و پەرلەمانتار و ھەڵسوراوانی گۆڕان. چونکە بەڵێ کەی ئەوان پشتكردنە لە خەبات و سیاسەتی كاك نەوشێروان.
لە کاتێکا کاروان هاشم لە دیاک نەبووە. هەر لە ڕێکخەری گشتی گۆڕان و ئەندامانی خانەی ڕاپەڕاندن هاوڕێی نەوشیروان مستەفا بوون. بەڵام ئەم ئێستا یەت قسەی نەوشیروان مستەفا بەوان ئەفرۆشێ. پێشیان ئەڵێ: ئەوان ئازادن لە بەڵێ کەی خۆیان و تەنھا تەعیبیر لە بۆچونی خۆیان ئەكەن.
بۆچی دەنگمان بەڵێ نەبوو !
لە ١٠ ساڵی رابردودا بە رونی دوو بۆچون ھەبون بۆ مەسەلەی دروستكردنی دەوڵە كە
بۆچونی یەكەمیان : بۆچونی بەرێز نەوشێروان مستەفا بو كە بە رونی باسی ئەوە دەكات دەوڵەت بە قسە و پروپاگەندی میدیایی وتاری ئاگرین دروست نابێ و دەڵێت:
كوردستانی سەربەخۆ شتێک نیە بە قسە دابمەزرێ، بەڵکو تەلارێکە ئەبێ پایەکانی لەسەر زەمین بچەسپێ ،
كوردستانی سەربەخۆ دەبێ دامەزراوەیەكی سیاسی بێ كە پێویستی بە سازانێكی نیشتمانی نوسراوە لە شێوەی دەستور و كۆمەڵێك یاسادا كە كۆ دەنگی نیشتمانیان لەسەر بێ،
بۆچونی دوەم : بۆچونی مسعود بارزانی و پارتی و بەشێكی یەكێتی و ھاوئاوازەكانیانە ، لە گەڵ ئەوەی لە ٢٦ ساڵی رابردودا ھەمو جومگە گرنگەكانی دەسەڵاتیان لە لابوە بەڵام تا ئێستا جگە لە قسە و جوڵانی ھەستی نەتەوەی و پروپاگەندیی میدیایی ھیچ ھەنگاوێكی كرداریان نەناوە بۆ دروستكردنی دەوڵەت ، ئەم ریفراندۆمەش كە ئەمڕۆ دەكرێت درێژەپێدەری ھەمان بیركردنەوەیە ،
بۆیە ئێمە لە بزوتنەوەی گۆڕان بەڵێ بۆ ئەم ریفراندۆمە حیزبیە ناكەین كە بۆ دروستكردنی دەوڵەت نیە و تەنھا بۆ شاردنەوەی كەم وكورتیەكانی خۆیان و درێژەپێدانی دەسەڵاتی خۆیانە ، ئەمە بە مانای ئەوەش نیە كە ئێمە لەگەڵ نەخێر بین بۆ دەوڵەتی كوردستان ، بەڵكو رەتكردنەوەی ئەم ریفراندۆمە حیزبیە كە ئێمە پێمان وایە قەیرانی سیاسی بەدوادا دێت و قەیرانی دارایی قوڵتر دەكاتەوە .
بە شانازیەوە ئێمە درێژەپێدەری بۆچونی بەرێز نەوشێروان مستەفاین و كار بۆ بەدیھێنانی پایەكانی دەوڵەت دەكەین و بە دوای پروپاگەندەی میدیایی ناكەوین ،
لە كاتێكا تا ئێستا ھیچ یەكێك لەو پایە گرنگانە كە بەرێز نەوشێروان مستەفا باسیان دەكات بنیات نەنراوە ،
بۆیە ھەر بەڵێ یەك بۆ ئەم ریفراندۆمە پشتكردنە لە خەبات و سیاسەتی كاك نەوشێروان
سەبارەت بەو ھاورێ ئازیزانەش كە ئەمڕۆ لە بزوتنەوەی گۆڕان بەڵێ یان بۆ ئەم ریفراندۆمە كردوە بە ھیچ شێوەیەك ئەمانە ھەڵوێستی بزوتنەوەی گۆڕان نین ، بە (بەڵێ )كەی بەرێز رێكخەری گشتی و ھەمو ئەوانەی تر لە خانەی راپەراندن و پەرلەمانتار و ھەڵسوراوانی گۆڕان ، ئەوان ئازادن و تەنھا تەعیبیر لە بۆچونی خۆیان دەكەن چونكە پەیامی بزوتنەوەی گۆڕان زۆر رونە كە لە دواین بەلاغی كۆبونەوەی جڤاتی نیشتمانیدا بە رونی دەڵێت ئەم ریفراندۆمەی پارتی و یەكێتی و ھاو ئاوازەكانیان ئەنجامی دەدن بۆ دەوڵەت نیە ! ھاوڵاتیان ئازادن چۆن مامەڵە لەگەل ئەم پرسە دەكەن،
لە كۆتایدا بە شانازیەوە لە نەوشێروان مستەفاوە فێری ئەوە بوین كە ھەمیشە دەنگی زوڵاڵی دژە تاكرەویی و گەندەڵی بین و ھەمیشەش پێشرەوی خەباتی سیاسی مەدەنی بین بۆ چەسپاندنی پایەكانی دەوڵەتێكی مەدەنی پەرلەمانی دیموكراسی.
