وادەی کۆبوونەوەی پارتی و گۆڕان دیاریکرا
بزووتنەوەی گۆڕان وەڵامی دەستپێشخەرییەکەی پارتی دیموکراتی کوردستانی بۆ کۆبوونەوە دایەوە و وادەی کۆبوونەوەی نێوانیان دیاریکرا.
کەناڵی ڕووداو بڵاویکردووە، خانەی راپەڕاندنی بزووتنەوەی گۆڕان پەیوەندییان بە فازڵ میرانی، سکرتێری مەکتەبی سیاسیی پارتی دیموکراتی کوردستانەوە کردووە و ئامادەیی خۆیان بۆ کۆبوونەوە نیشانداوە.
ڕوونیشکراوەتەوە، کۆبوونەوەی پارتی و گۆڕان لە رۆژی دووشەممەی داهاتوو 21-8-2017 ئەنجامدەدرێت.
